Jóhanna Total Evrópa 14 Júní 2004 !

 Hvað Sagði Jóhanna Total Evrópa í Fréttum í Gærkvöldi ?

Það er kominn tími til að að hún taki vitleysuna með sér í langt frí.

Og hlífi þjóðinni við Sovét Sósílaisma.

"14. júní 2004

Halldór, Davíð og þingræðið

ÞAÐ ER beinlínis hlægilegt að hlusta á ráðamenn hafa áhyggjur af þingræðinu nú - menn sem stjórnað hafa þjóðinni með ráðherraræði í hartnær áratug. Lýðræðið er, engu síður en þingræðið, hornsteinn og grundvallarregla íslenskrar stjórnskipunar. Það er því ekki verið að vega að þingræðinu með því að beita lýðræðinu á þann hátt að fólkið fái sjálft í þjóðaratkvæðagreiðslu að leggja dóm á mál sem forseti Íslands hefur kosið að vísa til þjóðarinnar. Með ákvörðun um þjóðaratkvæðagreiðslu er á lýðræðislegan hátt verið að færa valdið í hendur fólksins, sem þjóðkjörnir fulltrúar sækja umboð sitt frá. Það að slíkur réttur skuli vera fyrir hendi veitir þingræðinu og ekki síður framkvæmdavaldinu nauðsynlegt aðhald, sem styrkir lýðræðið.

Ráðherraræðið víkur nú fyrir lýðræðinu og styrkir því þingræðið  
Í stjórnartíð Davíðs Oddssonar hefur framkvæmdavaldið styrkst gífurlega á kostnað bæði þingræðis og lýðræðis. Mörgum hefur fundist stjórnarhættir oddvita stjórnarflokkanna minna meira á tilskipanir einræðisherra en lýðræði, enda hafa ákvarðanir þeirra iðulega endað fyrir dómstólum. Ekki er hikað við að keyra í gegnum þingið lög sem beinist að þeim sem standa ekki og sitja eins og valdstjórnin vill. Nægir þar að nefna fjölmiðlalögin og niðurlagningu á Þjóðhagsstofnun. Meirihlutinn í þinginu er iðulega barinn til hlýðni og mál sett í endanlegan búning fyrir þingið af oddvitum ríkisstjórnar og eftir atvikum ríkisstjórn, án samráðs við meirihlutann á Alþingi, sem ráðherrarnir styðjast við. Þetta er ekki þingræði, heldur ráðherraræði. Svo langt var gengið að enginn var spurður og ekkert samráð haft ekki einu sinni við þann þingmeirihluta sem þessir tveir stjórnarherrar styðjast við á Alþingi, þegar Davíð og Halldór bundu þjóðina í hóp þeirra þjóða sem fylgdu Bandaríkjamönnum í Íraksstríðinu. Nú eru þessir sömu menn fullir vandlætingar og tala um atlögu að þingræðinu, þegar forseti lýðveldisins beitir málskotsrétti sínum, sem honum er tryggður í stjórnarskránni og vísar umdeildu máli til þjóðarinnar. Nei - svo oft hafa núverandi valdhafar misboðið þingræðinu og lítilsvirt það, að það fer þeim illa að bera á þessum tímamótum fyrir sig umhyggju fyrir því. Í reynd hefur lýðræðið nú vikið til hliðar ráðherraræðinu og í framhaldinu gæti þetta átt eftir að styrkja þingræðið.

Þjóðaratkvæðagreiðsla brýn hér á landi
Viðbrögð oddvitanna einkennast nú af hefnd vegna þess að forsetinn setti valdið í hendur fólksins. Þeir vilja taka málskotsréttinn af forsetanum sem gengur gegn lýðræðinu og mun treysta enn frekar í sessi ráðherraræðið á Íslandi. Lýðræðinu hér er í raun miklu meiri takmörk sett, en í ýmsum löndum sem við berum okkur saman við, því samsteypustjórnir eru mun algengari hér en t.d. annars staðar á Norðurlöndum. Þannig veit fólk sjaldnast hvaða ríkisstjórnir það er að kjósa yfir sig, auk þess sem það auðveldar flokkum í samsteypustjórnum að semja sig frá loforðum og kosningastefnuskrám. Mörg mál koma því uppá borðið sem keyrð eru í gegn og koma kjósendum stjórnarflokka gjörsamlega í opna skjöldu, eins og iðulega hefur gerst hér á landi. Þess vegna er málskotsréttur forseta mikilvægur að ekki sé talað um rétt fólks almennt til að krefjast þjóðaratkvæðagreiðslu. Í mörg ár hef ég ásamt fleiri þingmönnum lagt til á Alþingi að fimmtungur kosningabærra manna í landinu geti krafist þess að þjóðaratkvæðagreiðsla fari fram um lagafrumvarp sem Alþingi hefur samþykkt. Einnig flutti ég á árinu 1995 frumvarp um að efnt yrði til sérstaks stjórnlagaþings til að fjalla um breytingar á stjórnarskránni, eins og mannréttindi, kosningar og kjördæmaskipan, þingrof, setningu bráðabirgðalaga, lög um ráðherraábyrgð, skil löggjafarvalds og framkvæmdavalds og þjóðaratkvæðagreiðslur. Tillögur stjórnlagaþings átti síðan að bera undir þjóðaratkvæðagreiðslu.

Þjóðin lýsi afstöðu til endurskoðunar stjórnarskrárinnar
Ef stjórnarherrunum er alvara í því að ætla að leggja til að afnema málskotsrétt forsetans þá er rétt og eðlilegt að um leið og þjóðin gengur til atkvæða nú í sumar um fjölmiðlalögin þá verði hún einnig spurð um afstöðu til málskotsréttar forseta Íslands og hvort heimila eigi að tilskilinn hluti þjóðarinnar geti krafist þjóðaratkvæðagreiðslu. Niðurstaðan gæti verið mjög gagnleg og ráðgefandi ef ráðast á í endurskoðun á ákvæðum stjórnarskrárinnar. Full ástæða er líka til að festa í lög, að allar ákvarðanir um breytingar á stjórnarskránni eigi að fara í þjóðaratkvæðagreiðslu. Þar á æðsta vald að vera í höndum þjóðarinnar sjálfrar, sem styrkir mjög grundvöll lýðræðisins.

Jóhanna Sigurðardóttir, alþingismaður (Mbl. júní 2004)

Mbl. 8. júní 2004"

http://www.althingi.is/johanna/greinar/safn/001306.shtml

Nánar: http://www.icelandcrash.com/antisocial-personality.html